თურქეთში მოკლული საქართველოს მოქალაქის რევაზ ჯგერენაიას ცხედარს სამშობლოში ხვალ, 6 მაისს, გადმოასვენებენ.
ცხედრის გამოსვენება ავტობუსით მოხდება, რომელიც სტამბულიდან სარფის მიმართულებით დღეს შუადღისთვის დაიძვრება.
თურქ სამართალდამცავებს უკვე დაკავებული ჰყავთ, მკვლელობაში ეჭვმიტანილი თურქეთის მოქალაქე.
მას რევაზ ჯგერენაიასთან შელაპარაკება მოუვიდა. წინასწარი ინფორმაციით, დაპირისპირების მიზეზი გადაუხდელი ხელფასი გახდა, რომელსაც თურქული კომპანიის ქართველი თანამშრომელი ითხოვდა. ჯგერენაია სახლში რამდენიმე დღის წინ უნდა დაბრუნებულიყო.
"გუშინ მას ჩაუტარდა სამედიცინო ექსპერტიზა. მისი ცხედარი გადასვენებულია სტამბულის ერთ-ერთ პროზექტურაში. გენერალური საკონსულოს მხარდაჭერითა და თანადგომით დასრულდება ყველა იმ აუცილებელი დოკუმენტაციის გაფორმება და ავტობუსით გადმოსვენება განხორციელდება", _ აცხადებს საქართველოს კონსული სტამბულში ზურაბ პატარიძე.
