"ამ ადამიანების უსინდისო ხელებმა და ბნელმა გონებამ არ იცის რა არის ბრძოლა დემოკრატიისათვის,", - განაცხადა თურქეთის პრემიერ-მინისტრმა რეჯებ ტაიპ ერდოღანმა მის კორტეჟზე მომხდარი თავდასხმის შემდეგ.
"ამ ადამიანების უსინდისო ხელებმა და ბნელმა გონებამ არ იცის რა არის ბრძოლა დემოკრატიისათვის, ისინი ტერორისტები და სეპარატისტები არიან, რომლებსაც მხოლოდ ამგვარი მცდელობების განხორციელება შეუძლიათ. მათთვის წარმოუდგენელია ქვეყანაში რაიმე ცვლილების სარჩევნო ყუთის საშუალებით განხორციელება", _ აცხადებს ერდოღანი.
შეგახსენებთ, რომ თურქეთის პრემიერ-მინისტრის რეჯებ ტაიიპ ერდოღანის ესკორტს ხელყუმბარა ესროლეს. ინციდენტი ქვეყნის ჩრდილოეთით პრემიერ-მინისტრის წინასაარჩევნო კამპანიის დროს მოხდა. შედეგად დაიღუპა ერთი ოფიცერი და მთლიანად დაიწვა პოლიციის მანქანა.
პრემიერ-მინისტრი შემთხვევის ადგილიდან ვერტმფრენით უვნებლად გადაიყვანეს.
აღნიშნულ ინციდენტში მთავარი ეჭვმიტანილი ქურთების მშრომელთა პარტიაა. ესკორტზე განხორციელებულ თავდასხმას წინ პოლიციასა და ქურთებს შორის მომხდარი შეტაკებები უძღვოდა, რომელიც მათი მებრძოლების დაკრძალვის პროცესიაზე მოხდა.
ინციდენტზე პასუხისმგებლობა ჯერ ჯერობით არც ერთ ქურთულ დაჯგუფებას არ აუღია.
თურქეთში საპარლამეტო არჩევნები 12 ივნისს გაიმართება.
