ხვალ, 5 მაისს, 09.00 საათზე წეროვნის დევნილთა დასახლებაში წმ. გიორგის სახელობის ახალაშენებული ეკლესიის კურთხევა გაიმართება.
წეროვნის დევნილთა დასახლებაში ეკლესიის მშენებლობას 2009 წლის დეკემბერში ჩაეყარა საფუძველი. Aამ ეტაპზე ის უკვე დასრულებულ მდგომარეობაშია და 5 მაისიდან ფუნქციონირებას დაიწყებს. Eეკლესია აშენდა მცხეთა-მთიანეთის სამხარეო ადმინისტრაციის, მცხეთის მუნიციპალიტეტის ადგილობრივი თვითმმართველობის, კომპანია "ნიუ ენერჯისა" და სხვადასხვა ორგანიზაციის შემოწიულობებით. Nეს გახლავთ კიდევ ერთი გრძელვადიანი პროექტი, რომელსაც კომპანია "ნიუ ენერჯი" წეროვნის დასახლების ინფრასტრუქტურის განვითარების ფარგლებში წარმატებით ახორციელებს.
ამრიგად, წეროვნის დევნილ მოსახლეობას აღარ მოუწევთ საეკლესიო დღესასწაულებზე შორს წასვლა, რადგან შესაძლებლობა ექნებათ ყოველკვირეულ წირვა-ლოცვას საკუთარ დასხლებაში დაარსებულ ახალ ეკლესიაში დაესწრონ.
საზეიმო ღონისძიებას დაესწრებიან მცხეთა-მთიანეთის სახელმწიფო რწმუნებული ცეზარ ჩოჩელი, რეგიონული განვითარებისა და ინფრასტრუქტურის მინისტრი რამაზ ნიკოლეიშვილი, კომპანია "ნიუ ენერჯი" _ს მენეჯმენტის წევრები, საპატრიარქოს უმაღლესი სასულიერო პირები და სხვა საპატიო სტუმრები