5 მაისს, 13:00 საათზე, გამოცდების ეროვნული ცენტრის წარმომადგენლები კახეთის სკოლების დირექტორებს თელავში შეხვდებიან. შეხვედრა თელავის უნივერსიტეტის სააქტო დარბაზში გაიმართება.
გამოცდების ეროვნული ცენტრი გამოსაშვები გამოცდებისთვის მზადების ბოლო ეტაპზეა. ამასთან დაკავშირებით ცენტრის წარმომადგენლებები საქართველოს ყველა იმ საჯარო სკოლის დირექტორთან გამართავენ შეხვედრას, სადაც გამოსაშვები გამოცდები ტარდება.
სკოლის დირექტორებს გამოსაშვები გამოცდების წარმატებით ჩატარებაში მნიშვნელოვანი როლი აკისრიათ. დირექტორები მიიღებენ ბოლო ინსტრუქციებს იმასთან დაკავშირებით თუ როგორ უნდა წარიმართოს საგამოცდო პროცესი სკოლებში.