შეზღუდული შესაძლებლობის ორი ახალგაზრდა ქალი ინვალიდობის გამო ღამის კლუბში არ შეუშვეს. შვედური გამოცემა The Local-ის თქმით, ქალებმა თავი შეურაცხყოფილად მას შემდეგ იგრძნეს, რაც შვედეთის ცნობათა ბიუროს თანამშრომელმა მათ აცნობა, რომ ეტლით გადაადგილდებულ პირთათვის ღამის დაწესებულება შეუფერებელი ადგილია.
"არასრული განათების გამო ინვალიდის ეტლი ღამის კლუბებში საფრთხის შემცველია", _ აცნობა ინვალიდ ქალებს ცხელი ხაზის თანამშრომელმა.
ახალგაზრდა ქალები სტოკჰოლმის ღამის კლუბში ვიზიტს გეგმავდნენ. იმის გამო, რომ მათ კიბეებზე ეტლებით გადაადგილება უჭირთ, ცნობათა ბიუროში დარეკეს, რათა გაერკვიათ, რომელ კლუბებში შეეძლოთ ადვილად გადაადგილება.
ცნობათა ბიუროს გენერალურმა დირექტორმა განმარტა, რომ მისმა თანამშრომელმა საკუთარი აზრები არასწორად ჩამოაყალიბა და საუკეთესო ვარიანტი იქნებოდა, თუკი იგი შეკითხვას პირდაპირ უპასუხებდა.
შვედური გამოცემის ინფორმაციით, გოგონები ადამიანის უფლებათა დამცველებს მიმართავენ.