სადაზღვევო კომპანიამ "ალდაგი ბისიაი" ორსულთათვის განკუთვნილი ჯანმრთელობის დაზღვევის პროდუქტი "მედიქ ქარდ ბეიბი" შექმნა და იგი ბაზარზე უკვე გამოიტანა.
როგორც "ალდაგი ბისიაის" გენერალურმა დირექტორმა ნიკოლოზ გამყრელიძემ 4 მაისს გამართულ პრესკონფერენციაზე განაცხადა, პროდუქტი მომხმარებელს შესაძლებლობას მისცემს მშობიარობა ორსულობის პერიოდში (6 თვემდე) დააზღვიოს, სადაზღვევო პრემია კი ეტაპობრივად, თვეში ერთხელ გადაიხადოს.
მისივე თქმით, დღემდე არსებულ ყველა სადაზღვევო პროდუქტში მშობიარობის დაფინანსება უკვე ორსულობის პერიოდში შეუძლებელი, ან მისი ვადა შეზღუდული იყო. "ნებისმიერ მსურველს შეუძლია ყოველთვიური შენატანით უზრუნველყოს გარკვეული პერიოდის მერე დამდგარი ხარჯის ანაზღაურება," - ამბობს გამყრელიძე.
ჯანმრთელობის დაზღვევის პოლისის შეძენა შესაძლებელია სადაზღვევო აგენტებთან, "ჩემი ოჯახის კლინიკის" ფილიალებში და ასევე "ალდაგი ბისიაის" ოფისებში. სამშობიარო სახლის არჩევა და შესაბამისი სერვისის არჩევა მომხმარებელს თავისი სურვილით შეუძლია.
ახალი სადაზღვევო პროდუქტის ფასები და ლიმიტები სამშობიარო სახლების მომსახურების ღირებულებასა და მომხმარებლის არჩევანზეა დამოკიდებული. მინიმალური ყოველთვიური ლიმიტი 60 ლარით განისაზღვრება.
"ალდაგი ბისიაის" პროვაიდერ კლინიკებში მშობიარობის მინიმალური ღირებულება 550 ლარით, მაქსიმალური 3500 ლარით განისაზღვრება.
მომხმარებელს ასევე შეუძლია გართულებების თავიდან აცილებაც. გართულების შემთხვევაში ლიმიტი 1500 ლარს შეადგენს.
წლის დასაწყისიდან "ალდაგი ბისიამ" სადაზღვევო ბაზარზე მეორე ახალი პროდუქტი გამოიტანა.
სადაზღვევო კომპანია "ალდაგი ბისიაი" 300-მდე სამედიცინო დაწესებულებასთან თანამშრომლობს. კომპანიას 2006 წლიდან საკუთარი ამბულატორიული კლინიკების ქსელი აქვს.
