კახეთში, სიმინდის პროგრამა შეფერხებით ხორციელდება. როგორც დღეს კახეთში, მთავრობის გასვლით სხდომაზე პრემიერ-მინისტრმა ნიკა გილაურმა აღნიშნა, სოფლის მეურნეობის მხრიდან ყველაფერი უნდა გაკეთდეს, რათა პრობლემები აღმოიფხვრას და მოსავლის აღებისას რაიმე დაბრკოლებები არ წარმოიქმნას.
"უამინდობის გამო სოფლის მეურნეობაში გარკვეული შეფერხებები გვექნება და ამისათვის მინდა ყველაფერი მობილიზებული გვქონდეს, რომ აგროვადებში ჩავეტიოთ, რათა მოსავლის დაგვიანებას რომ არ ჰქონდა ადგილი"- აღნიშნა ნიკა გილაურმა.
სოფლის მეურნეობის მინისტრი კი აღიარებს, რომ სიმინდის პროგრამას პრობლემები აქვს, რაც კახეთში ძირითადად უამინდობას უკავშირდება.
"გარკვეული შეფერხება არის სიმინდის პროგრამასთან მიმართებაში, რადგან ჭარბი ნალექის გამო აქტიური ღონისძიებები და თესლვა კახეთში, ვერ დავიწყეთ. კახეთში სიმინდი ჯამში 13 ათას ჰა-ზე ითესება, რაშიც უმეტესობა ჰიბრიდული სიმინდია. მნიშვნელოვანია სათესლე აგრეგატები იყოს მობილიზებული, რათა აგროვადების დაცვა მოხდეს", - აღნიშნა კახეთში გამართულ მთავრობის სხდომაზე, სოფლის მეურნეობის მინისტრმა ბაკურ კვეზერელმა.
