კახეთში წელს ზეთის ხილისა და ბროწეულის პლანტაციები გაშენდება, ამის შესახებ სოფლის მეურნეობის მინისტრმა ბაკურ კვეზერელმა კახეთში გამართულ, მთავრობის გასვლით სხდომაზე ისაუბრა.
მინისტრის თქმით, კახეთს დიდი პოტენციალი გააჩნია, რაც სოფლის მეურნეობის სექტორის დივერსიფიკაციისათვის მნიშვნელოვანი ფაქტორია.
"კახეთის რეგიონში გარკვეული სიახლეებია. წელს პირველად პლანტაციური სახით გაშენდა ზეთისხილის და ბროწეულის პლანტაციები ყვარლის, სიღნაღის და საგარეჯოს რაიონებში. რაც ცხადია რეგიონის სოფლის მეურნეობის წარმოების დივერსიფიცირებისთვის მნიშვნელოვანია. დარწმუნებული ვარ, რომ შემდგომ ამ პროდუქციის ექსპორტირებაც მოხდება", - აღნიშნა ბაკურ კვეზერელმა.
