საქართველოს პრემიერ-მინისტრი ნიკა გილაური სოფლის მეურნეობისა და ტურიზმის გასავითარებლად მსოფლიო ბანკისგან დამატებით თანხებს ელოდება.
"ახლა ვმუშაობთ მსოფლიო ბანკთან სხვადასხვა პროექტზე და სავარაუდოდ, მათი განხორციელება სექტემბერ-ოქტომბერში დაიწყება. აუცილებლად ვიმუშავებთ იმაზეც, რომ მსოფლიო ბანკმა დამატებითი თანხები გამოყოს სოფლის მეურნეობის და ტურიზმის განვითარების მიმართულებით, რადგან სწორედ ეს ორი მიმართულება არის ის პოტენციალი, სადაც შეიძლება ძალიან დიდი მოგება ნახოს არა მხოლოდ კერძო სექტორმა, არამედ მოსახლეობამ და ბევრი ადამიანი დასაქმდეს", - განაცხადა ნიკა გილაურმა მთავრობის დღევანდელ გასვლით სხდომაზე, რომელიც თელავში გაიმართა.