ჟურნალისტების წინააღმდეგ სასამართლოში საქმის მოგება ძალიან რთულია. ამის შესახებ დღეს, პარლამენტის პლენარულ სხდომაზე საპარლამენტო უმრავლესობის წევრმა, აკაკი მინაშვილმა ოპოზიციის საპასუხოდ განაცხადა.
"რაც შეეხება ლიცენზირებას, სასამართლოს საქმეებს მედია სფეროში ძალიან ლიბერალური კანონმდებლობა ჯერ კიდევ 2004-05 წლებში მივიღეთ და ინფორმაციისთვის მინდა მოგაწოდოთ, რომ ჟურნალისტების წინააღმდეგ სასამართლო საქმეები თითქმის არ არსებობს, რადგან რთულია ჟურნალისტი დაადანაშაულო და მერე დაამტკიცო, რომ მან არასწორი ინფორმაცია გაავრცელა", - მიმართა ოპოზიციას მინაშვილმა.
მისივე თქმით, სასამართლოებში საქმების აღძრა ჟურნალისტების წინააღმდეგ ძალიან მცირეა და თითქმის ყველა სასამართლოს ჟურნალისტი იგებს.