ახალი თავისუფალი ტურისტულ ზონების დაკონკრეტება მთავრობის დადგენილებით მოხდება. ამის შესახებ აგრალურ საკითხთა კომიტეტის სხდომაზე "ქობულეთისა და ანაკლიის თავისუფალი ტურისტული ზონის განვითარების ხელშეწყობის შესახებ" კანონში ცვლილებების განხილვისას ინიციატივის ერთ-ერთმა ავტორმა ზვიად კუკავამ აღნიშნა.
მისი თქმით, სამომავლოდ, საქართველოს სხვადასხვა რეგიონში ასევე იგეგმება თავისუფალი ტურისტული ზომებს შექმნა, შესაბამისად, ყველა მუნიციპალიტეტის სახელის კანონში ასახვა ვერ მოხდება.
"საკანონმდებლო ინიციატივის თანახმად კანონს "ქობულეთისა და ანაკლიის თავისუფალი ტურისტული ზონის განვითარების ხელშეწყობის შესახებ" შეეცვლება სახელი და დაერქმევა "თავისუფალი ტურისტული ზონების განვითარების ხელშეწყობის შესახებ" კანონი. შესაბამისად, ცალკეულ რეგიონებში თავისუფალი ტურისტულ ზონების დაკონკრეტება მთავრობის დადგენილებით მოხდება, ხოლო კანონი ამ ზონებში ინვესტორების მოქმედებას განსაზღვრავს", - აღნიშნა კუკავამ.
კანონპროექტის ინიციატორები პარლამენტის წევრები პავლე კუბლაშვილი, კახაბერ ანჯაფარიძე და ზვიად კუკავა არიან.
