საერთაშორისო ტერორისტული დაჯგუფება "ალ-ქაიდა" აუცილებლად ეცდება შური იძიოს ამერიკელი სამხედროების მიერ "მსოფლიოს ნომერ პირველი" ტერორისტის უსამა ბინ ლადენის მკვლელობის გამო. ეს განცხადება დღეს ცენტრალური სადაზვერვო სამმართველოს ხელმძღვანელმა ლეონ პანეტამ გააკეთა.
"მართლია ბინ ლადენი მკვდარია, მაგრამ "ალ ქაიდა" არ მომკვდარა. ტერორისტები ყველანაირად ეცდებიან შური იძიონ მის გამო და ამიტომაც ჩვენ უნდა ვიყოთ კეთილგონიერი და უნდა ვიყოთ ფხიზლად", _ განაცხადა პანეტამ. ინფორმაციას ამის შესახებ სააგენტო "როიტერი" ავრცელებს.
შეგახსნებთ, რომ მიმდინარე წლის 1-ელ მაისს აშშ სამხედროების მიერ დაგეგმილი სპეცოპერაცია, რომელიც "მსოფლიოს ნომერ პირველი" ტერორისტის განადგურებას ისახავდა მიზნად, წარმატებით დასრულდა.
