დიდი ბრიტანეთის ხელისუფლებამ პაკისტანის სასამართლოს მოთხოვნის განხილვაზე უარი განაცხადა, რაც ამ ქვეყნის ყოფილი პრეზიდენტის ფერვეზ მუშარაფის პაკისტანისთვის გადაცემას ითვალისწინებს.
ბრიტანეთის საგარეო საქმეთა სამინისტრომ ეს გადაწყვეტილება იმით დაასაბუთა, რომ ქვეყნებს შორის დატყვევებულთა გადაცემის შესახებ შეთანხმება გაფორმებული არ ყოფილა.
უფრო ადრე, ისლამაბადში ვიზიტისას, დიდი ბრიტანეთის პრემიერ-მინისტრმა დევიდ კემერონმა განაცხადა, რომ მოლაპარაკების არარსებობის მიუხედავად, ბრიტანეთის ხელისუფლება პაკისტანის სასამართლოს მოთხოვნას მაინც განიხილავდა.
ადგილობრივმა სასამართლომ პაკისტანის ყოფილი პრეზიდენტის დასაჭერად ორდერი 2011 წლის თებერვალში გასცა. ამის მიზეზი ტერორიზმთან მისი დაკავშირება გახლდათ. კონკრეტულად, ფერვეზ მუშარაფს ბრალს ყოფილი პრემიერ-მინისტრის ბენაზირ ფხუტოს სიკვდილში სდებენ, რომელიც 2007 წლის დეკემბერში ტერორიზმის შედეგად დაიღუპა.
ბენაზირ ფხუტის გარდაცვალების აქტიური გამოძიება გაეროს სპეციალური კომისიის მონაწილეობით მხოლოდ 2009 წელს დაიწყო. ტერაქტის დეტალებით გამოძიება პრეზიდენტის პოსტიდან ფერვეზ მუშარაფის წასვლისა და მისი ლონდონში გამგზავრების შემდეგ დაინტერესდა.
თავის მხრივ, პაკისტანის ექს-პრეზიდენტი აცხადებდა, რომ სასამართლოსა და ციხის არ ეშინია, თუმცა უახლოეს პერიოდში პაკისტანში დაბრუნებას არ აპირებს. კონკრეტულად, როდის დაუბრუნდება სამშობლოს, მუშარაფი არ აკონკრეტებს. უბრალოდ, აცხადებს, რომ "შესაბამის დროს ელოდება".
