თიბისი ბანკმა ბაზარზე ახალი საბანკო პროდუქტი გამოიტანა. ახალი სასესხო პროდუქტი წარმოადგენს ტექნიკური დახმარებისა და შეღავათიანი დაფინანსების კომპლექსურ შესაძლებლობას ჯანდაცვის სფეროში მოღვაწე იურიდიული პირებისთვის, რომლებსაც სურვილი აქვთ ააშენონ, ან გაარემონტონ სამედიცინო დაწესებულება, შეიძინონ სამედიცინო აპარატურა, ან საჭირო ინვენტარი.
ბანკის ინფორმაციით, თიბისი ბანკი იწყებს ჯანდაცვის სფეროს დაფინანსებას შეღავათიანი სესხებითა და უპრეცედენტო პირობებით და აშშ-ის საერთაშორისო განვითარების საგენტოს (USAID) დაფინანსებით მიმდინარე, ჯანდაცვის სისტემის განმტკიცების პროგრამასა (HSSP) და თანამედროვე ენერგოეფექტური ტექნოლოგიებისა და განათების ინიციატივასთან (NATELI) ერთად, მომხმარებელს სთავაზობს ახალ, უნიკალურ პროდუქტს, საქართველოში საავადმყოფოებისა და კლინიკების მშენებლობის, რემონტისა და აღჭურვის დაფინანსებისთვის.
თიბისი ბანკი დაინტერესებულ პირებს სთავაზობს ბიზნეს ინტერესების გათვალიწინებით, ინდივიდუალურ მიდგომას და კონკრეტულ საჭიროებებზე მორგებულ, შეღავათიან პირობებს. ამასთან, თითოეული მსესხებელი, დამატებითი პირობის სახით, ისარგებლებს განსაკუთრებული უპირატესობებით.
კერძოდ: "ჯანდაცვის სისტემის განმტკიცების პროგრამის" (HSSP) ინიციატივით, თქვენ შეგიძლიათ, მაღალკვალიფიციური სპეციალისტების დახმარებით, შეიმუშაოთ ბიზნეს გეგმა, მიიღოთ პროფესიული კონსულტაციები და გაიაროთ ტრენინგები გარემოს დაცვისა და რეგულაციების სფეროში.
პროექტი "თანამედროვე ენერგოეფექტური ტექნოლოგიებისა და განათების ინიციატივა" (NATELI) კი გთავაზობთ ენერგოაუდიტის/ენერგოპასპორტის შემუშავებას, საავადმყოფოს შენობის, არქიტექტურის, განათებისა და გათბობის სისტემების შესწავლაზე დაყრდნობით, ტექნიკურ-ეკონომიკური ანალიზის მომზადებასა და, შესაბამისად, ეკონომიკურად გამართლებული, ენერგოეფექტური ტექნოლოგიების განსაზღვრას, რაც მნიშვნელოვნად შეამცირებს თქვენს ენერგოდანახარჯებს.
ახალი, ერთობლივი საკრედიტო პროდუქტი ხელს შეუწყობს საქართველოში ჯანდაცვის სფეროს განვითარებას და საქართველოს მოსახლეობისთვის თანამედროვე, მაღალხარისხიანი სამედიცინო მომსახურების ხელმისაწვდომობას.