შემოსავლების სამსახურის საგამოძიებო დეპარტამენტის კახეთის სამმართველოს თანამშრომლებმა, ქრთამის აღების ფაქტზე, საჯარო რეესტრის ეროვნული სააგენტოს თელავის სარეგისტრაციო სამსახურის თანამშრომელი ნათელა ასაბაშვილი დააკავეს.
როგორც კახეთის საინფორმაციო ცენტრს სამმართველოს უფროსმა გიორგი კოდოშვილმა განუცხადა, ასაბაშვილს ბრალი ედება ერთ - ერთი მოქალაქისთვის სასოფლო სამეურნეო მიწის ნაკვეთისა და საცხოვრებელი სახლის საჯარო რეესტრში რეგისტრაციისას დოკუმენტების დამზადების დაჩქარებაში ქრთამის სახით 300 ლარის გამორთმევაში.
გამოძიება სსკ-ის 333-ე მუხლით მიმდინარეობს. დანაშაული ექვსიდან ცხრა წლამდე თავისუფლების აღკვეთას ითვალისწინებს.
