ამერიკის ხელისუფლებამ 2001 წლის 11 სექტემბრის ტერაქტის ორგანიზატორთა დანაშაულის მტკიცებულებები სრულად გამოაქვეყნა.
აღნიშნული მტკიცებულებები მას შემდეგ გახდა საჯარო, რაც აშშ-ის გენერალურმა პროკურორმა ტერაქტის ორგანიზატორების საქმე თავდაცვის სამინისტროს გადაუგზავნა.
ტერორისტებს სამხედრო ტრიბუნალზე გაასამართლებენ, რომელიც გუანტანამოს ბაზაზე გაიმართება და არა სამოქალაქო სასამართლოში.
როგორც "ფრანსპრესი" იუწყება, გამოძიებას ხელში ჩაუვარდა ტერორისტების სატელეფონო საუბრები, ასევე საბანკო გადარიცხვების და ვიზების მიღების შესახებ ინფორმაცია.
შეგახსენებთ, რომ 2001 წლის 11 სექტემბრის ტრაქტის მოწყობის ორგანიზების ბრალდებით ხუთი ტერორისტი პაკისტანში დააკავეს.
ბრალეულობის დამტკიცების შემთხვევაში დაკავებულებს სიკვდილით დასჯა ემუქრებათ.
