ასათიანის ქუჩაზე, 26 წლის ახალგაზრდამ სიცოცხლე თვითმკვლელობით დაასრულა. ირაკლი ქუთათელაძე მეგობრებმა ბინაში წუხელ ჩამომხრჩვალი იპოვეს.
არსებული ინფორმაციით, ქუთათელაძე ბოლო ექვსი თვის განმავლობაში მეგობრის სახლში, ერთოთახიან ბინაში მარტო ცხოვრობდა, როდის და რატომ მოიკლა თავი ახლგაზრდამ, ჯერჯერობით უცნობია.
ირაკლი ქუთათელაძე სტეფან კოენის მეგობარი იყო, რომელიც რამდენიმე თვის წინ სასტუმრო "ქორთიარდ მერიოტში" მოკლეს. მაშინ სხვადასხვა არხისთვის მიცემულ ინტერვიუში ქუთათელაძე იწრმუნებოდა, რომ კოენს იცნობდა და მისი ახლო მეგობარიც იყო.
ქუთათელაძის მეზობლების თქმით, თვითმკვლელობა ახალგაზრდამ ორჯერ სცადა. მაშინ მან წამლები დალია.
ირაკლი ქუთათელაძე აჭარიდან იყო და მას მშობლები არ ჰყავდა. მომხდართან დაკავშირებით, სისხლის სამართლის საქმე აღიძრა.