"1989 წლის 9 აპრილით ვამაყობ, ეს არის ისტორიული მნიშვნელობისა და ქართველი ერის მორალურ-პოლიტიკური გამარჯვების დღე", - განაცხადა "დემოკრატიული მოძრაობის" აღმასრულებელი საბჭოს წევრმა, ირაკლი ბათიაშვილმა "ჯი-ეიჩ-ენთან" საუბრისას.
მისი თქმით, იგი 9 აპრილის ერთ-ერთი ორგანიზატორი გახლდათ ზვიად გამსახურდიას, მერაბ კოსტავას, ირაკლი წერეთელსა და გია ჭანტურიასთან ერთად.
"ეს დღე ქართველი ერის დიდ ტკივილთანაა დაკავშირებული, რადგან ამ დიდ ბრძოლაში ჩვენი თანამემამულეების სისხლი დაიღვარა",_ აღნიშნა ბათიაშვილმა.
შეგახსენებთ, დღეს დემოკრატიული მოძრაობის წევრებმა 9 აპრილს დაღუპულთა ხსოვნას პატივი მიაგეს.
