დღეს, სასტუმრო "რედისონ ბლუ ივერია"-ში ქალთა საერთაშორისო ასოციაცია "IWA Georgia"-ს 2011 წლის საგაზაფხულო გამოფენა-გაყიდვის პრეზენტაცია გაიმართება.
აღნიშნული ღონისძიებიდან მიღებული თანხა ასოციაციას მისი პროექტების განხორციელებაში დაეხმარება.
ასოციაციის მიზანია დაეხმაროს ქალებს, ბავშვებსა და ხანშიშესულ ადამიანებს, რომლებიც სიღარიბის, სუსტი ჯანმრთელობისა ან ინვალიდობის გამო რისკის ჯგუფს მიეკუთვნებიან. ასოციაციის პროექტები გამიზნულია სამედიცინო, სოციალური და საგანმანათლებლო პრობლემების გადაჭრისათვის.
ორგანიზატორთა განმარტებით, საგაზაფხულო გამოფენა-გაყიდვა "IWA Georgia"-ს ერთ-ერთი უმსხვილესი ღონისძიებაა, რომელშიც საქართველოში მყოფი საელჩოები და უცხოური ან ადგილობრივი ფირმები მონაწილეობენ.
შეგახსენებთ, ქალთა საერთაშორისო ასოციაცია "IWA Georgia" წარმოადგენს არაკომერციულ, არასამთავრობო ორგანიზაციაა და საერთაშორისო ქალთა ასოციაციის გლობალური ქსელის ნაწილს. ასოციაციის მიზანია გაჭირვებული ქალების, ბავშვებისა და ხანშიშესული ადამიანების დახმარება.
