მობილური ოპერატორი ბილაინი კომპანიის ქსელში პორტირების მსურველებს ახალ აქციას სთავაზობს.
როგორც კომპანიის წარმომადგენლები იუწყებიან, აქციის ფარგლებში "გადმოაპორტირე მეგობარი" ნებისმიერი მსურველი, ვინც ბილაინის ქსელში "გადმოპორტირდება" და მისი რეკომენდაციით მისი მეგობარიც გახდება ბილაინის აბონენტი, საჩუქრად 30 უფასო წუთს და 30 სმს-ს მიიღებს, რომლის გამოყენება 10 დღის განმავლობაში არის შესაძლებელი.
უფასო წუთები და სმს-ები ასევე დაერიცხება იმ აბონენტს, ვინც მეგობრის რეკომენდაციით გახდა ბილაინის ქსელის აბონენტი.
"აღსანიშნავია ის ფაქტიც, რომ პორტირებაზე რეკომენდაციის გაწევა ერთ აბონენტს რამდენჯერმე შეუძლია, რაც გულისხმობს იმას, რომ ყოველი ახალი მეგობრის პორტირებისას თავიდან დაერიცხება ბონუსები", - განაცხადა ბილაინის საზოგადოებასთან ურთიერთობის მენეჯერმა თეონა ბაღდავაძემ.
