გლდანის რაიონს ერთ კვირაზე მეტია დღე-ღამის განმავლობაში მხოლოდ 4-5 საათი მიეწოდება წყალი. როგორც "ჯი-ეიჩ-ენს" გლდანის მოსახლეობამ აცნობა, რამდენჯერმე მიმართეს "ჯორჯიან უოთერ ენდ ფაუერის" ცხელ ხაზს, სადაც შეკითხვაზე პასუხი არ გასცეს.
"ჯი-ეიჩ-ენი" "ჯორჯიან უოთერ ენდ ფაუერს" დაუკავშირდა, სადაც განუცხადეს, რომ უამინდობის გამო პრობლემები შეექმნა არაგვის ხეობაში განთავსებული სათავე ნაგებობების ფუნქციონირებას და შეფერხებაც სწორენ ამან განაპირობა.
კომპანიაში იმედს გამოთქვამენ, რომ პრობლემა უამინდობასთან ერთად გადაიჭრება.
""ჯორჯიან უოთერ ენდ ფაუერი" იმედოვნებს, რომ აღნიშნული პრობლემა უამინდობასთან ერთად გადაიჭრება", - განმარტავენ კომპანიაში და ღნიშნავენ, რომ რადგან დედაქალაქის წყალმომარაგებაში არსებული შეფერხებები გამოწვეულია კომპანიისგან დამოუკიდებლად, გაუთვალისწინებელი გარემოებებით, ის ვერ აისახება მიმდინარე თვის სააბონენტო გადასახადზე.
