საქართველოს პარლამენტის ტერიტორიული მთლიანობის აღდგენის საკითხთა დროებითმა კომისიამ საქართველოს სახელმწიფოებრივი დამოუკიდებლობის აღდგენის 20 წლისთავის აღსანიშნავად, პროექტ "ოკუპაციის" ფარგლებში გადაღებული დოკუმენტური ფილმის ფრაგმენტების ჩვენება გამართა.
ფილმი "თავისუფლებისთვის ბრძოლა" უნგრეთის 1956 წლის მოვლენებს ეძღვნება.
"ჩვენ უნდა გვქონდეს ერთიანობის გრძნობა ყველა იმ სახელმწიფოს მიმართ, სადაც საბჭოთა ხელისუფლების დიქტატურის წინააღმდეგ ანალოგიური პროცესები ხდებოდა", - აღნიშნა მალაშხიამ.
მისი თქმით, პროექტ "ოკუპაციის" ფარგლებში სულ ოცი ფილმი მომზადდება, რომლებიც 15 ქვეყანაშია გადაღებული.
"ეს ერთიანობა შექმნის იმ სურათს, თუ რა ხდებოდა როგორც ჩვენთან, ქვეყნის შიგნით, ისე საზღვარგარეთ, როდესაც ქვეყნები თავისუფლებისა და დამოუკიდებლობისთვის იბრძოდნენ", - აღნიშნა ტერიტორიული მთლიანობის აღდგენის საკითხთა დროებითი კომისიის თავმჯდომარემ.
სხდომას უნგრეთის რესპუბლიკის საგანგებო და სრულუფლებიანმა ელჩი საქართველოში, გაბორ შაგი დაესწრო.