პარლამენტმა "სახელმწიფო ვალის შესახებ" კანონში ცვლილებები დაამტკიცა. როგორც პარლამენტის პლენარულ სხდომაზე ფინანსთა მინისტრის პირველმა მოადგილემ პაპუნა პეტრიაშვილმა განმარტა, 2011 წლის სახელმწიფო ბიუჯეტში ევრობონდების საპროცენტო განაკვეთი და ვადიანობა აღარ განისაზღვრება, რადგან ეს ვაჭრობის დროს დგინდება და მისი წინასწარ განსაზღვრა შეუძლებელია.
როგორც ცნობილია, ფინანსთა სამინისტრო მიმდინარე წელს ევრობონდების მეორე ემისიას გეგმავს, რომლის მოცულობაც 500 მილიონი დოლარი იქნება.
ცვლილება კანონის გარდამავალ დებულებას ეხება, რომელიც სახელმწიფო ვალის სრული მოცულობის გაზრდას კრძალვას, თუმცა გამონაკლისს 2008 წლის აგვისტოში დაუშვეს, როდესაც ევრობონდები რუსეთის აგრესიის შემდეგ იქნა დახარჯული. ახალი ევრობონდები კი სწორედ 2008 წელს აპრილში გამოშვებული ევრობონდის რეფინანსირებას მოხმარდება.
აღსანიშნავია, რომ ახალი ევრობონდების ვადები 7-იდან 10 წლამდე გაიზრდება, რის შედეგადაც ძველი ევრობონდების რეფინასირების შემდეგ მისი გადახდა 2020 წლისთვის გადაიწვეს და მის გამოყენება საბიუჯეტო ხარჯებისთვის იკრძალება.
