სააგენტო "როიტერის" ინფორმაციით, სომალელმა მეკობრეებმა საბერძნეთის დროშის ქვეშ მცურავი ტანკერი "Irene SL" გაათავისუფლეს, რომელზედაც სხვებთან ერთად ქართველი მეზღვაური გიორგი ჭკადუა იმყოფებოდა. როგორც საბერძნეთის სანაპირო დაცვის სამსახური იუწყება, ბორტზე მყოფი 25-ვე ადამიანი გათავისუფლებულია. მათი ინფორმაციით, გათავისუფლებულები კარგად არიან. სანაპირო დაცვის ხელმძღვანელმა უსაფრთხოების მიზნით სხვა დეტალები არ გაახმაურა.
ტანკერი ამჟამად სამხრეთ აფრიკის საპორტო ქალაქ დურბანისკენ მიცურავს.
სუპერტანკერი "Irene SL" მეკობრეება 2011 წლის 9 თებერვალს გაიტაცეს. მასზე 7 ბერძენი, 17 ფილიპინელი და 1 ქართველი მოქალაქე იმყოფებოდა. ნავთობით დატვირთული სუპერტანკერი კუვეიტიდან აშშ-ში მიემართებოდა. ტანკერის ბორტზე ორი მილიონი ბარელი (270 ტონა) ნავთობი იყო, რომლის ღირებულებას 200 მილიონი აშშ დოლარს შეადგენდა.
