ჰააგის სასამართლოს გადაწყვეტილებასთან დაკავშირებით ხელისუფლებამ სამარცხვინო კამპანია აწარმოა. ამის შესახებ "დემოკრატიული მოძრაობა - ერთიანი საქართველოს" ლიდერმა ნინო ბურჯანაძემ "პრაიმტაიმის" პრესკლუბში ჟურნალისტებთან შეხვედრისას განაცხადა.
მისი თქმით, ხელისუფლების წარმომადგენელთა განცხადებები, რომ მათ სასამართლო მოიგეს სრული სიცრუეა.
"ჰააგის სასამართლოს გადაწყვეტილებასთან დაკავშირებით საქართველოს ხელისუფლებამ სამარცხვინო კამპანია აწარმოა. ეს იყო კლასიკური მაგალითი იმისა, თუ როგორი არაკომპეტენტური ხელისუფლება გვყვას", - განაცხადა ბურჯანაძემ.
შეგახსენებთ, რომ ჰააგის საერთაშორისო სასამართლომ რუსეთის წინააღმდეგ საქართველოს სარჩელის არსებით განხილვაზე უარი თქვა. სასამართლო მიიჩნევს, რომ მხარეებს მოლაპარაკებათა რესურსი სრულად არ ამოუწურავთ და დავის მართლმსაჯულების მიერ გადაწყვეტამდე თბილისსა და მოსკოვს მისი დიალოგის გზით მოგვარება ურჩია.
