სს "ინტერ რაო ეესს", შპს "საქართველოს სახელმწიფო ელექტროსისტემას" და შპს "ენერგოტრანსს" შორის მემორანდუმი ფორმდება. საქართველოს მთავრობის განკარგულების საფუძველზე მემორანდუმს ქართული მხრიდან ხელს მოაწერს საქართველოს პრემიერ-მინისტრი ნიკა გილაური.
"მემორანდუმით რეგულირდება რიგი საკითხებისა, რომელიც ხელს შეუწყობს მხარეთა შორის ელექტროენერგეტიკის სფეროში ურთიერთთანამშრომლობის
განვითარებას", _ აღნიშნულია საქარველოს მთავრობის მიერ განხილულ დოკუმენტში.
ამავდროულად არ კონკრეტდება თუ რას ითვალისწინებს "რიგი საკითხები", რამაც ხელი უნდა შეუწყოს "ურთიერთთანამშრომლობის განვითარებას".
შეგახსენებთ, რომ "ინტერ რაო" რუსეთის სახელმწიფო კომპანიაა, რომლიც აქტივებს ფლობს რუსეთში, საქართველოში, სომხეთში, ყაზახეთში, ფინეთში და სხვ.
კომპანიის დირექტორთა საბჭოს თავმჯდომარე რუსეთის ვიცე-პრემიერი იგორ სეჩინია.
კომპანიის სადგურების ჯამური სიმძლავრე 18 ათასი მგვტ-ია., ხოლო საწესდებო კაპიტალი 63,897 მლრდ. რუბლი, საიდანაც 57,3 %-ს მთავარი კორპორაცია "როსატომი" ფლობს.
