ენერგეტიკისა და ბუნებრივი რესურსების სამინისტრომ ადგილმდებარეობა შეიცვალა და სამუშაოდ გარემოს დაცვის სამინისტროში (გულუას # 6-ში) გადავიდა. ამ დროისათვის "გამსხვილებული" ენერგეტიკისა და ბუნებრივი რესურსების სამინისტრო და "სეკვესტრირებული" გარემოს დაცვის სამინისტრო ერთ შენობაში არიან განთავსებულნი.
გარემოს დაცვის სამინისტროში აცხადებენ, რომ ორი სამინისტროს ერთ შენობაში განთავსება დროებითი პროცესია, რადგანაც გოგა ხაჩიძის უწყება, დაახლოებით 2 თვეში ახალ შენობაში გადავა. სამინისტროს ინფორმაციით, გარემოს დაცვის სამინისტრო სამუშაოდ კოსტავას ქუჩაზე, "საზოგადოებრივი მაუწყებლის" გვერდით, შემოსავლების სამსახურის შენობაში განთავსდება.
