PM Terminlas ფოთის პორტის 80 %-ის მფლობელი ხდება. ფოთის საზღვაო ნავსადგურის ახალი მფლობელი, ვალდებულია პორტის განვითარებისათვის 65 მლნ. დოლარის ინვესტიცია განახორციელოს. ეკონომიკისა და მდგრადი განვითარების მინისტრის, ვერა ქობალიას განმარტებით, კომპანია ვალდებულებას იღებს, რომ ადგილობრივ კადრებს დაასაქმებს.
"ამ კომპანიას ექნება დამატებითი ვალდებულება 65 მლნ დოლარის ინვესტიცია განახორციელოს. კომპანია ვალდებულებას იღებს ასევე, რომ ფოთის პორტში ადგილობრივი მოსახლეობა დაასაქმოს. რაც შეეხება "რაკია საქარ|თველოს", ის 2012 წლის ბოლომდე ფოთის აეროპორტის მშენებლობას დაასრულებს", - განაცხადა ეკონომიკისა და მდგრადი განვითარების მინისტრმა ვერა ქობალიამ.
უკვე ცნობილია, რომ PM Terminlas-სა და ფოთის პორტის ოპერატორ "რაკია ჯორჯიას" შორის გარიგების დეტალები, დღეს კოპენჰაგენში, PM Terminlas -ის სათაო ოფისში დაზუსტდება. წინასწარი ინფორმაციით, გარიგების შედეგად PM Terminlas ფოთის საზღვაო ნავსადგურის 80 %-ის მფლობელი ხდება.
"რაკ ჯორჯიას" წარმომადგენლობა აღნიშნული გარიების შესახებ არ საუბრობს, თუმცა აღნიშნავს, რომ კომპანია ახალი ინვესტორის ძიებაშია.
"რაკიას" აქვს მოლაპარაკება დიდ კომპანიებთან, რომელიც ფოთის პორტის აქციების დიდი ნაწილის გასხვისებას ითვალისწინებს. მქონდა შეხვედრები საქართველოს მთავრობიას წევრებთან და მათგან თანხმობაც მივიღეთ, რომ ამ კუთხით მუშაობა გავაგრძელოთ.
ახალი ინვესტორი ინფრასტრუქტურისა და ფოთის აღჭურვილობის განვითარებაზე იზრუნებს"- აღნიშნა "რაკია საქართველოს" წარმომადგენელმა რონი სააბიმ.
აღსანიშნავია, რომ PM Terminlas მსოფლიოს 33 ქვეყანაში 44 პორტის მფლობელია და ის დანიური Maersk -ის შვილობილი კომპანიაა.
შეეგახსენებთ, რომ გასული წლის დეკელბერში გამოცემა "ზევიასთან" საუბრისას, "რაკიას" სამეთვალყურეო საბჭოს თავმჯდომარემ ჰატერ მასაადმა განაცხადა, რომ "რაკია" 2011 წელს ფოთის პორტის საკუთარი აქციების საერთაშორისო ბირჟებზე გაყიდვას გეგმავდა. მისი თქმით, კომპანია ფოთის პორტის დატოვებას სტრატეგიულ აქტივად არ განიხილავს.
"ეს არ არის ჩვენთვის სტრატეგიული აქტივი, თუ ჩვენ შეგვიძლია ფული ვიშოვოთ რაღაცის გაყიდვით, რატომ არ უნდა გავაკეთოთ ეს?", - განაცხადა მასაადმა.
"რაკიამ" ფოთის პორტის საკონტროლო პაკეტი 2008 წლის აპრილში შეიძინა 90 მილიონ აშშ დოლარად და ფოთში, 300 ჰექტარის მიწის ნაკვეთზე, თავისუფალი ინდისტრიული ზონის განვითარება დაიწყო. მოგვიანებით იმავე წელს "რაკიამ" სახელმწიფოსგან ფოთის პორტის დარჩენილი 49% აქციებიც 65 მილიონ აშშ დოლარად შეიძინა.
შეგახსენებთ, რომ არაბეთის გაერთიანებული საამიროები, საქართველოში ძირითადად "რაკიას" სახელითაა წარმოდგენილი.
საქართველოში განხორციელებულ პირდაპირ უცხოურ ინვესტიციების მხრივ 2008 და 2009 წლებში პირველ ადგილზე იყო, შესაბამისად 306.5 მილიონი და 169.8 მილიონი აშშ დოლარით. საქსტატის მონაცემებით, 2010 წლის პირველ კვარტალში არაბეთის გაერთიანებულ საამიროებიდან საქართველოში პირდაპირი უცხოური ინვესტიციები არ განხორციელებულა.
იამვდროულად, 2008 წელს მთაწმინდის პარკი 49-წლიანი იჯარით "რაკიინ დეველოპმენტს" გადაეცა.
ბადრი პატარკაციშვილის კუთვნილ კომპანია "ლინქსს" მთაწმინდის პარკი 2007 წელს ცნობილი პოლიტიკური მოვლენების დროს, ვალდებულებათა შეუსრულებლობის მიზეზით ჩამოართვეს.