მესტის ტურისტული ინფრასტრუქტურის რეაბილიტაციის შემდეგ,, მთავრობა მესტიის გამგეობის რეაბილიტაციას იწყებს. მესტიის მუნიციპალიტეტს, რეგიონებში განსახორციელებელი ფონდიდან 1 მლნ. 850 ათასი ლარი გამოეყოფა.
აღნიშნული თანხა განკუთვნილია გამგეობის შენობის სარემონტო სამუშაოებისათვის, სატრანსპორტო საშუალებების შესაძენად, ჰაწვალის სათხილამურო კურორტის ელექტროგადამცემი სადენების განახლებისათვის და სახანძრო-სამაშველო სამსახურისათვის მანქანის შესაძენად. თანხა მუნიციპალიტეტს, რეგიონებში განსახორციელებელი ფონდიდან, მესტიის მუნიციპალიტეტის განვითარებისა და ტურისტული ინფრასტრუქტურის შექმნის პროექტის ფარგლებში გამოეყოფა.
