სოფლის მეურნეობის სამინისტროს ინფორმაციით, 2011 წლის საქართველოს სახელმწიფო ბიუჯეტით, სამინისტროსათვის 69 მლნ. 154 ათასი ლარია გათვალისწინებული, საიდანაც ბიუჯეტის შესახებ კანონის შესაბამისი მიზნობრივი პროგრამები ხორციელდება. ახალი ინციატივით გათვალისწინებული 150 მილიონი ლარი, რომელიც სოფლის მეურნეობის სექტორში მიმდინარე წელს დაიხარჯება, მოზიდულია სახელმწიფო სააქციო საზოგადოება „საქართველოს სოფლის მეურნეობის კორპორაციის" მიერ. ბაკურ კვეზერელის უწყებაში განმარტავენ, რომ რესურსი ძრითადად მოზიდულია საერთაშორისო საფინანსო ინსტიტუტებიდან და კერძო საინვესტიციო ფონდებიდან. ამ ეტაპზე პროექტის თანადაფინანსებისათვის სახელმწიფო ბიუჯეტიდან გამოიყოფა დამატებით 9 მლნ ლარი. საჭიროების შემთხვევაში თანადაფინანსების მოცულობა გაიზრდება.