დასავლური მედიის ინფორმაციით, კოტ დივუარის უმსხვილეს ქალაქ აბიჯანში ქვეყნის ცენტრალურ აეროპორტს ფრანგი სამშვიდოები აკონტროლობენ.
300 ფრანგი ჯარისკაცი გაეროს სამშიდობო მისიას გუშინ ღამით შეუერთდა. გაეროს მანდატით სამშვიდობო მისიაში 7 500 სამხედრო მოსამსახურეა კოტ დივუარში წარგზავნილი.
გაეროს სამხედრო ვერტმფრენები აბიჯანის ცაზე პატრულირებენ. როგორც ადგილობრივმა მაცხოვრებლებმა CNN-ს განუცხადეს, დღეს დილიდან ქვეყნის ყველაზე ცხელ წერტილში შედარებით სიმშვიდეა.
აშშ-ს სახელმწიფო მდივანი ჰილარი კლინტონი ლორენ გბაგბოს მოუწოდებს, რომ დაუყოვნებლივ აღიაროს საპრეზიდენტო არჩევნებში დამარცხება და პრეზიდენტის პოსტი დატოვოს.
"კონფლიქტის დასასრულებლად ერთადერთდი გზა გბაგბოს დანებებაა", - აცხადებს კლინტონი.
მან მოუწოდა გბაგბოსაც და უატარასაც შეწყვიტონ ომი და მშვიდობიან მოსახლეობაზე თავდასხმები.
წითელი ჯვრის ინფორმაციით, კაკაოს მწარმოებელ ქალაქ დუეკუეში 28 ნოემბრის შემდეგ 800 ადამიანი მოკლეს. გაეროს ოფიციალური მონაცემებით, არეულობების დაწყების დღიდან დღემდე 380 ადამიანია დაღუპული. არაოფიციალური ინფორმაციით, დაღუპულთა რაოდენობა 1000-ს აჭარბებს,
ყველაზე ძლიერი შეტაკებები 28-30 მარტს მოხდა. გაეროს სამშვიდობო მისიის ხელმძღვანელ გუილამე ნგეფას განცხადებით, აღნიშნულ დღეებში უატარას 220 და გბაგბოს 100 ადამიანი დაიღუპა შეტაკებების დროს.
შეგახსენებთ, რომ კოტ დივუარში არეულობები 28 ნოემბრის საპრეზიდენტო არჩევნების შემდეგ დაიწყო. გაერომ არჩევნებში გამარჯვებულად ალასანე უატარა დაასახელა. არჩევნებამდე ქვეყნის პრეზიდენტი ლორენს გბაგბო დღემდე უარს ამბობს დამარცხების აღიარებაზე და ამბობს, რომ ქვეყნის ერთადერთი პრეზიდენტი ის არის.
