ცხინვალის სეპარატისტული რეჟიმის ლიდერის ედუარდ კოკოითის მტკიცებით, ე.წ. პრეზიდენტის პოსტზე მესამე ვადით კენჭისყრას არ აპირებს.
ამის შესახებ კოკოითიმ რუსეთის სახელმწიფო სოციალურ უნივერსიტეტში სტუდენტებთან შეხვედრაზე განაცხადა.
"კონსტიტუცია ჩვენი ხალხის სისხლით არის დაწერილი და ის არ შეიძლება გადაკეთდეს ერთი ადამიანისთვის", - აღნიშნა კოკოითიმ.
ამასთან, სეპარატისტთა ლიდერი პოლიტიკიდან წასვლას არ აპირებს და აცხადებს, რომ "ქვეყნის სასარგებლოდ გააგრძელებს პოლიტიკურ საქმიანობას".
შეგახსენებთ, რომ ე.წ. სამხრეთ ოსეთში 2001 და 2006 წლებში ჩატარებული ე.წ. საპრეზიდენტო არჩევნებში ედუარდ კოკოითმა გაიმარჯვა.
ამასთან, სეპარატისტული ხელისუფლების მიერ მიღებული ე.წ. კონსტიტუციის თანახმად, ერთი ადამიანს ე.წ. პრეზიდენტის პოსტის დაკვება მხოლოდ ორჯერ შეუძლია.
აღსანიშნავია, რომ მას შემდეგ რაც კოკოითის რეჟიმმა რუსეთის ფედერაციის მიერ გამოყოფილი ასობით მილიონი რუბლი არამიზნობრივად "აითვისა", მოსკოვი უკვე დიდი ხანია კოკოითის შემცვლელს აქტიურად ეძებს.
