ცხინვალის სეპარატისტული რეჟიმის ლიდერის ედუარდ კოკოითის შეფასებით, საქართველოს შეიარაღებული ძალების მომზადების შეუფასებლობა დიდი შეცდომა იყო.
ამის შესახებ კოკოითიმ რუსეთის სახელმწიფო სოციალურ უნივერსიტეტში სტუდენტებთან შეხვედრაზე 2008 წელის აგვიტოს ომის მოვლენების შეფასებისას განაცხადა.
"ისინი იყვნენ კარგად მომზადებულები და გაწვრთნილები დასავლელი მხარდამჭერების მიერ. მათ ჰქონდათ ყველაზე თანამედროვე აღჭურვილობა და ის ტექნიკაც კი, რომელიც საბჭოთა დროინდელი იყო, ისიც კი მოდერნიზებული ჰქონდათ. რუსეთის ჯარისთვის ეს ადვილი არ იყო. ისინი არ იბრძოდნენ არა რაღაც ბანდასთან, არამედ კარგად გაწვრთნილ არმიასთან", - აღნიშნა სტუდენტებთან საუბრისას კოკოითიმ.
ამასთან, ოს სეპარატისტთა ლიდერმა აღნიშნა, რომ ე.წ. სამხრეთ ოსეთის ე.წ. დამოუკიდებლობის აღიარებისთვის "ოსი ხალხის ისტორიაში რუსეთის პრეზიდენტის და ხელისუფლების წარმომადგენლების გვარები ოქროს ასოებით ჩაიწერება.
