ლიბიაში კოალიციამ ქალაქ ბრეგასა და აჯდაბიას შორის საჰაერო თავდასხმა განახორციელა, რის შედეგადაც 13 აჯანყებული დაიღუპა.
დაღუპულებს შორის სამი სამედიცინო უნივერსიტეტის სტუდენტია.
ნატოს წარმომადგენლების განცხადებით, ისინი შეისწავლიან მომხდარ ფაქტს, თუმცა დეტალების საბოლოო დადგენა ძალიან გართულდება.
გავრცელებული ინფორმაციით, კოალიციის ძალებს აჯანყებულები კადაფის მომხრეებში აერია.
იმავდროულად, ცეცხლის შეწყვეტის შესახებ მეამბოხეების შეთავაზებაზე კადაფის მთავრობამ უარი განაცხადა. მთავრობის პრესსპიკერმა ამ შეთავაზებას "სულელური" უწოდა.
