სეპარატისტულ აფხაზეთში საშუალო ხელფასი ისეთივეა როგორიც უკრაინაში ანუ 200 აშშ დოლარს შეადგენს. წერს აფხაზუ ჟურნალისტი თავის სტატიაში სახელწოდებით "ღმერთისა და რუსეთის დახმარებით".
"მართალია სერგეი ბაღაფში მხოლოდ 10 ათას რუსულ რუბლს იღებს, მაგრამ ბავშვისთვისაც გასაგებია, რომ ამ ფულით, ის და მისი ოჯახი ვერ იცხოვრებს და ქვეყნის ხელმძღვანელს სხვა სიკეთეები და პრივილეგიები აქვს.
სახელმწიფო სტატისტიკის მონაცემების მიხედვით 2008 წელს აფხაზეთში საშუალო თვიური ხელფასი დაახლოებით 3, 650 რუსულ რუბლს შეადგენდა, 2009 წელს - 5, 107 რუბლს, ხოლო 2010 წელს კი 5, 955 რუბლს.
6 ათას რუსულ რუბლზე მეტს გამოიმუშავებდნენ გასულ წელს სოხუმის რაიონის, სოხუმისა და გაგრის რაიონის მაცხოვრებლები. 4 ათას რუსულ რუბლზე ნაკლებს კი - გალის რაიონის მაცხოვრებლები. შრომის ყველაზე მაღალი ანაზღაურება გეოლოგიისა და ნიადაგის დაზვერვის სფეროებშია - 36 ათას რუსულ რუბლზე მეტი, მშენებლობის სფეროში 13 ათას რუსულ რუბლზე მეტი, კავშირგაბმულობის სფეროში 10 ათას რუსულ რუბლზე მეტი, ყველაზე მცირე ხელფასი სოფლის მეურნეობის სფეროშია - 2, 100 რუსლი რუბლი.
ყველაზე მცირე ხელფასს, გასულ წელს ტყვარჩელის ხეტყისგადამამუშავებელი საწარმო უხდიდა მუშებს - 105 რუსულ რუბლს. ყველაზე მაღალ ხელფასს კი "როსნეფტის" შვილობილი კომპანია "როსნეფტ-შელფ აფხაზია" უხდის თავის თანამშრომლებს (მათი რაოდენობა ათზე ნაკლებია) - 102 ათას რუბლზე მეტს", _ წერს აფხაზი ჟურნალისტი.
