ძლიერმა ქარმა ფოთში რამდენიმე სახლს სახურავი ახადა და მრავალსართულიანი შენობების მინები ჩაამსხვრია. დაზარალებულ მოსახლეობას მერია სარეზერო ფონდიდან დაეხმარება.
ზუგდიდის რაიონში ქარმა ელექტროგაყვანილობის ბოძები დააზიანა, რის გამოც სამ სოფელს ელექტროენერგია არ მიეწოდება. სტიქიას ნგრევა არ მოჰყოლია. ღამის განმავლობაში სამეგრელოში სახანძროს 10 გამოძახება დაფიქსირდა. ცეცხლი ძირითადად საკვამლე მილებში გაჩნდა, თუმცა ხანძარს მნიშვნელოვანი ზიანი არ გამოუწვევია.
ძლიერი ქარის მიუხედავად, ქარიშხალს ქუთაისში ნგრევა არ მოჰყოლია. იმერეთის სამაშველო სამსახურს არცერთი გამოძახება არ დაუფიქსირებია.
სამაშველო სამსახურები იმერეთში 24 საათიან რეჟიმში მუშაობენ.
