კოტ-დივუარის დასავლეთ ნაწილში შეიარაღებულ შეტაკებებს 800 ადამიანი ემსხვერპლა. დაპირისპირება არჩეულ პრეზიდენტ ალასანა უატარასა და მის მოწინააღმდეგე ლორან გბაგბოს მომხრეთა შორის მოხდა, რომელიც საპრეზოდენტო არჩევნებში დამარცხდა.
ყოფილი პრეზიდენტი ლორან გბაგბო დამარცხების მიუხედავად, გადადგომას არ აპირებს. ამის გამო ქვეყანაში არეულობა დაიწყო, რაც სამოქალაქო დაპირისპირებაში გადაიზარდა.
აბიჯანას ნაწილი, რომელიც ქვეყნის უმსხვილესი ქალაქია, გბაგბოს მომხრეთა ხელშია. ხოლო ამბოხებულები დედაქალაქ იამუსუკროს, სან-პედროს პორტსა და კოტ-დივუარის სხვა მნიშვნელოვან ქალაქებს აკონტროლებენ. ამასთან, ოპოზიციონრები დიდ წარმატებებს აღწევენ.
31 მარტს ცნობილი გახდა, რომ ათასობით ფრანგი სამხედრო მოსამსახურე კოტ-დივუარში გაემართა. ოფიციალური ცნობით, ისინი ფრანგი მოქალაქეების დაცვას აპირებენ, რომლებსაც გბაგბოს მომხრეები თავს ესხმიან.
