საქართველოში მოსალოდნელი ქარიშხლის გამო გარემოს დაცვის სამინისტრო მუშაობის საგანგებო რეჟიმზე გადადის.
როგორც "ჯი-ეიჩ-ენს" სამინისტროდან აცნობეს, 24-საათიან რეჟიმში იმუშავებს სამინისტროს ჰიდრომეტეოროლოგიური პროგნოზირების ბიურო. ასევე მუშაობის საგანგებო რეჟიმზე გადადის კომპანია "ენერგო-პრო ჯორჯია," რომელიც საქართველოში 860 ათას აბონენტს ელექტროენერგიით ამარაგებს.
გარდა ამისა, გამო გოგა ხაჩიძის უწყება სტიქიისგან მოსალოდნელი ზიანის შემცირების მიზნით გარემოს დაცვის სამინისტრო განსაკუთრებით დასავლეთ საქართველოს რაიონების ადგილობრივ თვითმმართველობებს აფრთხილებს.
შეგახსენებთ, რომ გარემოს დაცვის სამინისტროს სინოპტიკოსების პროგნოზით, საქართველოს სხვადასხვა რეგიონში 2, 3, 4 აპრილს ძლიერი ქარი არის მოსალოდნელი. ქართველი სინოპტიკოსების პროგნოზს ევროპის წამყვანი მეტეოროლოგიური სააგენტოებიც ადასტურებენ.