დასავლეთ საქართველოში ძლიერ გრიგალს ელოდებიან. ასეთი პროგნოზი აქვთ ქართველ სინოპტიკოსებს. მათი ვარაუდით, ქარის სიჩქარე ამაღამ დაიწყებს მომატებას.
აღმოსავლეთის ძლიერი ქარი კასპიის ზღვიდან მოდის და იგი თავის პიკს 2 აპრილს მიაღწევს. ქარის სიჩქარე იქნება 30-40 მ.წმ-ში. სინოპტიკოსების ვარაუდით, ძლიერი ქარი მთელს დასავლეთ საქართველოში, კოლხეთის დაბლობზე და იმერეთში თითქმის სამი დღის განმავლობაში გაგრძელდება.
"დასავლეთ საქართველოს ზოგიერთ რაიონში მოსალოდნელია აღმოსავლეთის ძალიან ძლიერი ქარი. ქარის გაძლიერება დაიწყება 2 აპრილს, დღის მეორე ნახევრიდან და იქროლებს 4 აპრილის ჩათვლით. აღმოსავლეთ საქართველოში უმეტესად ღრუბლიან ამონდს ველოდებით წვიმით", _ აცხადებს გარემოს ეროვნული სააგენტოს მოკლევადიანი პროგნოზების განყოფილების უფროსი დოდო გვაზავა.
კომპანია "ენერგო პრო-ჯორჯიაში" აცხადებენ, რომ ქარის გამო დასავლეთ საქართველოში ელექტროენერგიით მომარაგების საკითხში პრობლემები მოსალოდნელი არ არის. დასავლეთ საქართველოში დენი იქნება უწყვეტად. კომპანიაში საუბრობენ იმაზე, რომ ძლიერი ქარის დროს შესაძლოა დაზიანდეს გარკვეული გადამცემები, თუმცა ყველა მობულური ჯგუფი სრულ მზადყოფნაშია.
