თბილისში მიკროავტობუსებით მგზავრობის ღირებულება არ გაიზრდება. ამის შესახებ თბილისის მერიის სატრანსპორტო საქალაქო სამსახურის უფროსმა აკაკი ჯოხაძემ ანტიკრიზისული საბჭოს სხდომოის დასრულების შემდეგ ჟურნალისტებს განუცხადა.
ჯოხაძის მტკიცებით, ყველა სამარშუტო ტაქსის მძღოლი ერთსულოვანია, რომ საწვავის ფასის მიუხედავად ამჟამად არსებული ტარიფების შენარჩუნება შესაძლებელია. აღნიშნულ საკითხთან დაკავშირებით თბილისის საკრებულოს წარმომადგენელი ქრისტიან-დემოკრატი ჯაბა სამუშოა ამტკიცებს, რომ ტენდერში გამარჯვებული კომპანიები სამარშტო ტაქსის მძღოლებს მგზავრობის ღირებულების გაზრდას ყოველ 2 კვირაში ერთხელ აიძულებენ. მისი ინფორმაციით, სამარშუტო ტაქსით მგზავრობის ფასი 70 თეთრამდე გაძვირდება.