სახალხო დამცველი სხვადასხვა სახის რეკომენდაციით მიმართავს სსიპ შეზღუდული შესაძლებლობის მქონე პირთა, ხანდაზმულთა და მზრუნველობამოკლებულ ბავშვთა სააგენტოს. კერძოდ, სახალხო დამცველი მოითხოვს, სააგენტომ შეზღუდული შესაძლებლობის ნიშნით დისკრიმინაციის აღსაკვეთად ყველა საჭირო ღონისძიება განახორციელოს.
უზრუნველყოს შეზღუდული შესაძლებლობის მქონე პირების თანაბარი ჩართულობა დაწესებულებების მიერ ორგანიზებულ ღონისძიებებში, უზრუნველყოს ყველა ბენეფიციარის მიერ თანაბარი უფლებებით სარგებლობა, რომელიც გამორიცხავს ყოველგვარ პრივილეგიას მცირე ჯგუფების მიმართ.
სათანადო პირობების შექმნით უზრუნველყოს ბენეფიციართა უფლების რეალიზაცია - მონაწილეობა მიიღონ დაწესებულების მართვისა და მონიტორინგის პროცესებში. უზრუნველყოს საჭირო რაოდენობისა და ხარისხის დამხმარე საშუალებები (მათ შორის საინვალიდო ეტლები) თავისუფალი გადაადგილებისთვის.
ამასთან, უზრუნველყოს ბენეფიციართა პირადი ცხოვრების თავისუფლება და ხელი შეუწყოს მათ მაქსიმალურ ჩართულობას საკუთარი შვილების აღზრდის პროცესში. ბავშვების ჭეშმარიტი ინტერესიდან გამომდინარე, შექმნას სათანადო პირობები მშობლებისა და შვილების თანაცხოვრებისთვის.
