სახალხო დამცველის აპარატმა მონიტორინგის შედეგად სენაკის შეზღუდული შესაძლებლობის მქონე ბავშვთა სახლში 16 სრულწლოვანი ბენეფიციარი გამოავლინა.
აღნიშნულ საკითხზე სახალხო დამცველმა წერილით მიმართა შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს უფროსს და გამოითხოვა ინფორმაცია იმის შესახებ, თუ რა სამართლებრივი საფუძველი ჰქონდა ე.წ. ,,გადაზრდილი" ბენეფიციარების ყოფნას სენაკის შშმ ბავშვთა სახლში.
სახალხო დამცველი რეკომენდაციით მიმართავს საქართველოს შრომის, ჯანმრთელობისა და სოციალური დაცვის სამინისტროს და სსიპ სოციალური მომსახურების სააგენტოს სააგენტოს, რათა მათ განახორციელონ სენაკის ბავშვთა სახლში მცხოვრები 18 წელს გადაცილებული პირების გადაყვანა ალტერნატიულ საცხოვრებელში. ამასთან, უზრუნველყოს, როგორც სენაკის ბავშვთა სახლის ბენეფიციართათვის, ისე 18 წელს გადაცილებული შშმ პირებისთვის ცხოვრებისა და მოვლის სათანადო პირობები.
