იოსებ კობზონი, რომელიც 1967-1970 წლებში გამოჩენილი რუსი მსახიობის ლუდმილა გურჩენკოს მეუღლე იყო, ყოფილი მეუღლის დაკრძალვის ცერემონიალს არ დაესწრება.
"ჩემი სახელით ლუდმილა გურჩენკოს ხსოვნის საპატივსაცემოდ ნიკოლსკის ტაძარში პანაშვიდს გადაიხდიან. ამასთან, ყვავილებს დააწყობენ", _ აღნიშნა კობზონმა.
კობზონის თქმით, იგი ბაიკალის ოლქში იმყოფება. ამდენად, გურჩენკოს დაკრძალვაზე ჩასვლას ვერ ახერხებს.
ცნობისთვის, იოსებ კობზონს ყოფილ მეუღლესთან 40 წლის განმავლობაში კონტაქტი არ ჰქონია.
მსახიობს ნოვოდევიჩის სასაფლაოზე დაკრძალავენ.
