შეზღუდული შესაზლებლობის მქონე პირთა დაწესებულებების მონიტორინგის პროცესში სახალხო დამცველის აპარატმა ღირსების შემლახველი მოპყრობის ფაქტები გამოავლინა.
მართალია, პერსონალის მხრიდან ბენეფიციართა მიმართ ფიზიკური ძალადობის შემთხვევაზე საჩივარი არ დაფიქსირებულა, თუმცა, ბენეფიციარები საუბრობდნენ ღირსების შემლახველ და დამამცირებელ მოპყრობაზე. ამასთან, ღირსების შემლახველი ფაქტები როგორც პერსონალის, ისე სხვა ბენეფიციარების მხრიდან განხორციელდა.
სახალხო დამცველის ანგარიშის თანახმად, ირკვევა, რომ ერთ-ერთ დაწესებულებაში, ფიზიკური შეზღუდვის მქონე პაციენტი საინვალიდო ეტლის არქონის გამო მუდმივად საწოლშია მოთავსებული.