საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ განიხილა დავები მოქალაქეებს დ. დავითაშვილს, გ. სირაძეს, თ. ლაფაურს, მ. ამირგულაშვილს, დ. მორჩილაძესა და შპს "ყაზტრანსგაზ- თბილისს" შორის. კომისიის გადაწყვეტილებით, მოქალაქეებს კომპანიის მიერ უკანონოდ დარიცხული თანხები ჩამოეწერათ.

კერძოდ, დ. დავითაშვილს ჩამოეწერა - 721, 63 ლარი, გ. სირაძეს - 135.82 ლარი, თ. ლაფაურს - 2110.23 ლარი, დ. მორჩილაძეს - 738.03 ლარი, ხოლო რ. ამირგულაშვილს - 269.70 ლარი.

რაც შეეხება, მოქალაქე ჯ. თოდაძესა და შპს "ყაზტრანსგაზ- თბილისს" შორის არსებულ დავას, ის ნაწილობრივ დაკმაყოფილდა: კომისიამ უსაფუძვლოდ ჩათვალა კომპანიის მიერ მოქალაქისათვის 2390,8 ლარის დარიცხვა და შპს "ყაზტრანსგაზ- თბილისს" მისი ხელახალი გადაანგარიშება დაავალა.

კომისიამ უსაფუძვლოდ ჩათვალა სს "ენერგო-პრო ჯორჯიას" მიერ ი/მ "ანდრიად ლიანას"-თვის 693,18 ლარის დარიცხვა და კომპანიას ინდ.მეწარმისთვის ახალი გაანგარიშების წარდგენა დაავალა.

სხდომაზე მსჯელობის შედეგად, კომისიამ არ დააკმაყოფილა რ. ესებუას საჩივარი, ხოლო საკითხი მოქალაქე ზ. ხუციშვილსა და და შპს "ყაზტრანსგაზ- თბილისს" შორის არსებული დავის შესახებ, შემდეგი სხდომისთვის გადაიდო.