სასჯელაღსრულებისა და პრობაციის სამინისტროსთან 25 მარტს გამართული საპროტესტო აქციის დროს დაკავებულმა პირებმა შიმშილობა გამოაცხადეს. ამის შესახებ "წინააღმდეგობის მოძრაობისა" და მოძრაობა "რატომ" წარმომადგენლებმა დღეს გამართულ ბრიფინგზე განაცხადეს.
მათი თქმით, საზოგადოებრივი წესრიგის დარღვევისთვის დაპატიმრებული 3 ახალგაზრდა უკვე მეოთხე დღეა შიმშილობს.
საზოგადოებრივი მოძრაობები ხელისუფლებას ამ ფაქტზე რეაგირებისკენ მოუწოდებენ.
შეგახსენებთ, რომ ხათუნა კალმახელიძის უწყებასთან მიმდინარე აქციაზე სამართალდამცველებმა სულ 7 პირი დააკავეს, მათგან 3-ს თბილისის საქალაქო სასამართლომ ადმინისტრაციული სასჯელის სახით 20 დღიანი პატიმრობა, 4-ს კი 400-400 ლარის გადახდა დააკისრა.
