ხვალიდან, 1-ლი აპრილიდან, საქართველოს ეროვნული ბიზნესდაჯილდოება "მერკური 2011"-ს ფარგლებში, ნომინაციაში წლის სასურველი დამსაქმებელისა და წლის მეწარმის გამოსავლენად, ვებგვერდზე: www.mercuryaward.ge ხმის მიცემა დაიწყება. ამ ნომინაციაში საკუთარი კანდიდატურის წარდგენა შეუძლია ნებისმიერ კომპანიას. ნომინაციაში გამარჯვებული გამოვლინდება დაჯილდოების ვებგვერდზე ხმის მიცემის საშუალებით, რომელიც 1-ელ აპრილს დაიწყება და 25 აპრილს შეწყდება.
"მერკური 2011" ინიციატორია ეკონომიკისა და მდგრადი განვითარების სამინისტრო საქართველოს ეროვნულ საინვესტიციო სააგენტოსთან ერთად. ეროვნული ბიზნესდაჯილდოების გენერალური სპონსორია "HSBC-ბანკი საქართველო". ეროვნული ბიზნეს დაჯილდოების გამარჯვებული კომპანიების შერჩევის პროცესი წარიმართება ორ ეტაპად, რომელსაც სპეციალური ჟიური გამოავლენს. თავად დაჯილდოების ცერემონია კი მაისში გაიმართება.
პირველად დაჯილდოების ფარგლებში შემოსულ აპლიკაციებს განიხილავენ ექსპერტთა ჯგუფები და თითოეულ ნომინაციაში დაასახელებენ 5 საუკეთესო ნომინანტს. ჯამში შეირჩევა 50 წარმატებული ნომინანტი.
მეორე ეტაპზე თითოეულ ნომინაციაში შერჩეულ ხუთ საუკეთესო ნომინანტს საშუალება მიეცემა წარდგეს ეროვნული ბიზნესდაჯილდოების კომისიის წინაშე და გააკეთოს საკუთარი ორგანიზაციის პრეზენტაცია. სწორედ პრეზენტაციის და შევსებულ სააპლიკაციო ფორმებზე დაყრდნობით მიიღებს კომისია საბოლოო გადაწყვეტილებას.
"მერკური 2011"-ი 12 ნომინაციას მოიცავს, მათ შორის: წლის აღმოჩენა; დარგის აღორძინება; წლის აგრობიზნესი; მწვანე ბიზნესი;წლის ტურისტული ბიზნესი; წლის ახალგაზრდა ბიზნესმენი; წლის მეწარმე ქალბატონი; ეკოლოგიურად სუფთა "ქართული პროდუქტი"; უცხოეთის ვარსკვლავი - ახალი წარმატებული საექსპორტო პროდუქტი; "დამზადებულია საქართველოში"; წლის ბიზნესი; წლის მცირე ბიზნესი
იმავდროულად, კატეგორიაში ხალხის რჩეული წარდგენილია 2 ნომინაცია:
წლის მეწარმე (აღნიშნულ ნომინაციაში გადაწყვეტილების მიმღებ პირთა და ექსპერტთა მიერ დასახელებულ იქნება 10 გამორჩეული მეწარმე, რომელთაგან საუკეთესოს გამოავლენს მოსახლეობა ვებ გვერდზე ხმის მიცემის საშუალებით) და წლის სასურველი დამსაქმებელი (ამ ნომინაციაში საკუთარი კანდიდატურის წარდგენა შეუძლია ნებისმიერ კომპანიას. ნომინაციაში გამარჯვებული გამოვლინდება დაჯილდოების ვებგვერდზე ხმის მიცემის საშუალებით.
