ნონა გაფრინდაშვილი 51-ე საჯარო სკოლის მანდატურმა შენობაში არ შეუშვა. სკოლის დირექტორმა ნონა გაფრინდაშვილი სკოლაში დაიბარა, ხოლო შემდეგ სკოლის შესასვლელთან მომლოდინეს მანდატურის საშუალებით შეატყობინა, რომ ადგილები აღარ აქვთ.
ნონა გაფრინდაშვილი 51-ე სკოლაში მომხდარ ინციდენტთან დაკავშირებით კომენტარისგან თავს იკავებს.
როგორც ნონა გაფრინდაშვილმა "ჯი-ეიჩ-ენთან" საუბრისას აღნიშნა, ეს ინციდენტი კარგა ხნის წინ მოხდა და მასზე საუბარი ამჯერად არც სურს. ამასთან, გაფრინდაშვილი 51-ე სკოლაში მისვლას არ აპირებს.
"რა მინდა იმ სკოლაში, მისკენ არც გავიხედავ",_განმარტა გაფრინდაშვილმა.
"ჯი-ეიჩ-ენი" შეეცადა 51-ე სკოლის დირექციას დაკავაშირებოდა, თუმცა როგორც სკოლაში განაცხადეს, დირექტორი და მისი თანაშემწე ადგილზე არ იმყოფებიან, მათთან დაკავშირება კი შეუძლებელია.
რაც შეეხება ნონა გაფრინდაშვილთან დაკავშირებით მომხდარ ინციდენტს, სკოლის ადმინისტრაციაში მომხდარს ვერ იხსენებენ.
შეგახსენებთ, ერთი კვირის წინ შვილიშვილთან ერთად 51-ე სკოლაში მისული ნონა გაფრინდაშვილი მანდატურმა სასწავლო დაწესებულებაში არ შეუშვა.
