იაპონიის მთავრობამ შესაძლოა ატომურ ელექტროსადგურ "ფუკუსიმადან" ევაკუაციის 30-კილომეტრიანი არეალი გააფართოოს. ამის შესახებ იაპონიის მთავრობის გენერალურმა მდივანმა იოკიო ედანომ განაცხადა და აღნიშნულის მიზეზად რადიაციის გაჟონვის მატება დაასახელა.
"თუ ამჯამინდელი ვითარება დროში დიდხანს გაიწელა და რადიაციის გაჟონვა არ შეწყდა, მაშინ ჩვენ მივიღებთ გადაწყვეტილებას ევაკუაციის შესახებ. ჯერჯერობით განვაგრძობთ რეაქტორზე მონიტორინგს და ვემზადებით იმისთვის, რომ საჭიროების შემთხვევაში დაუყოვნებლივ მივიღოთ გადაწყვეტილება", - განაცხადა იაპონიის მთავრობის პრესმდივანმა.
იაპონიის ატომური უსაფრთხოების სააგენტოს ბოლო ინფორმაციით, "ფუკუსიმას" ახლოს, ზღვაში რადიაციის დონე დადგენილ ნორმებს 3 3 55-ჯერ აჭარბებს.
