საფრანგეთში გაბრიელ ბონერ (კოკო) შანელისადმი მიძღვნილი ახალი, დაწვრილებითი მონოგრაფია გამოიცა. 400-გვერდიანი წიგნის - "შანელი, მისი ცხოვრება" - ავტორი საფრანგეთში ცნობილი ჟურნალისტი და ისტორიკოსი ჟუისტინ პიკარდია.
"30-იანი წლების დასაწყისიდან გამოქვეყნებული Gგაბრიელ შანელისადმი მიძღვნილი ყველა 55 წიგნი ამ ნამუშევართან შედარებით სისულელეა", - განაცხადა "შანელის"სამხატვრო დირექტორმა კარლ ლაგერფელდმა, რომელიც ზრუნავს საქვეყნოდ ცნობილი ბრენდის დამაარსებლის იმიჯზე.
დაუღალავმა კარლმა რამოდენიმე ელეგანტური ილუსტრაცია შექმნა, მათ შორის გარეკანის ესკიზი, სადაც კოკო შანელი ცხოვრების სხვადასხვა პერიოდშია გამოსახული. დაწვრილებითი სამუშაოს შესასრულებლად ჟუისტინ პიკარდიმ შეძლო შეეღწია არა მხოლოდ "შანელის " უნიკალურ, მდიდარ არქივში, არამედ დიდი ბრიტანეთის სპეცსამსახურების დოკუმენტების საცავსა და ქვეყნის მთელი რიგი არისტოკრატიული ოჯახების არქივებში.
წიგნში შესულია მრავალი ისეთი მონაცემები, რომელთაც შანელის ბიოგრაფიის მკვლევარები ადრე ყურადღებას არ აქცევდნენ. კოკო, როგორც ირკვევა, თავგადაკლული მონადირე და მეთევზე იყო. მონოგრაფიაში ჩართულია სურათები, სადაც კოკო შანელი გადაღებულია უისტონ ჩერჩილთან ერთად ნადირობისას.
P
პიკარდი ყურადღებას ამახვილებს შანელის მოღვაწეობის უფრო სერიოზულ ეტაპებზე. კერძოდ, განიხილავს ვერსიას იმის შესახებ, რომ ომის წლებში იგი პარიზში ანტიჰიტლერული კოალიციის ერთ-ერთი სადაზვერვო სამსახურის დავალებებს ასრულებდა, მაგრამ მყარი მტკიცებულებების არქონის გამო ავტორი არ მიდის რაიმე მკაფიოდ გამოკვეთილ დასკვნამდე.
